ᑐᑦᑕᕐᕕᖓ > ᐅᐊᓐᓇ ᑲᑎᓯᔪᖅ ᐱᖓᓐᓇᕐᒥᑦ > ᐃᓄᐃᑦ ᐃᖅᑲᐅᒪᓂᕆᔭᖏᑦ ᐅᓇᓕᒃᓴᔭᐃᑦ ᐃᖃᓗᖕᓃᓐᓂᕆᓚᐅᖅᑕᖏᓐᓂ > ixd`, Z?m4f5 x7m ckwos3Fsis2 who8ix

Assuituq National Park, near Broughton Island.

Caribou in the Koroc River Valley, Torngat Mountains.

ixd`, Z?m4f5 x7m ckwos3Fsis2 who8ix

ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᖅ ᐅᓂᒃᑳᖅ

ᓂᐊᖁᓐᖒᖅ, ᒐᕙᒪᒃᑯᑦ ᐊᒻᒪ ᖃᓄᐃᓕᐅᕐᕕᐅᓂᐅᑉ ᐃᓱᓕᓐᓂᐊ

ᑭᖑᓪᓕᖅᐹᒥ ᓈᓴᐅᑎᒻᒪᕆᒻᒥ, ᐃᓐᓇᐃᑦ ᐅᓂᒃᑳᖃᖅᑐᖅ ᑎᑭᓐᓂᕆᓚᐅᖅᓯᒪᔭᖏᓐᓂ ᐱᔨᑦᑎᕋᖅᑏᑦ ᑲᓇᑕᐅᑉ ᒐᕙᒪᒃᑯᖏᓐᓂ, ᐊᑐᕆᐊᓕᐅᖅᑕᐅᓂᖓᓐᓂ ᓂᐅᖁᓐᖒᒧᑦ ᒥᐊᓕᒐᐃᓪᓗ ᐊᐅᓪᓚᕐᓂᖏᓐᓂ, ᐃᖅᑲᐅᒪᔭᔅᓴᑦᑎᐊᕙᓐᓂᒃ ᕿᒪᐃᕕᐅᓪᓗᑎᒃ ᓲᕐᓗ. ᐃᖃᓗᒃ ᐊᐃᐱᓕ ᐅᓂᒃᑳᖃᓚᐅᖅᓯᒪᔪᖅ ᑎᑭᓐᓂᖏᓐᓂ ᓂᐅᕕᖅᑎᒃᑯᑦ, ᓂᐊᖁᓐᖒᒧᑦ, ᐃᓪᓗᓕᐅᕐᓂᖏᑦ ᓂᐅᕕᕐᕕᓕᐅᕐᓂᖏᓐᓂᓪᓗ ᑎᑭᓐᓂᖏᓐᓂᓪᓗ ᐃᓄᓕᕆᔨᑐᖃᒃᑯᑦ. ᐅᖃᖅᑐᓂᓗ ᓂᐅᕕᖅᑐᒃᑯᑦ ᐊᐅᓪᓛᕋᓗᐊᕐᖓᑕ ᓂᐊᖁᓐ ᖑᒧᑦ ᓱᓕ ᒥᐊᓕᒐᖅᑕᖃᓚᐅᖅᓯᒪᔪᖅ, ᓂᐅᕕᖅᑎᒃᑯᑦ ᐃᖅᑲᓇᐃᔭᖅᑎᖏᑦ ᐳᓛᕆᐊᖃᑦᑕᓚᐅᖅᓯᒪᓐᖏᑦᑎᐊᖅᑐᑦ. ᐃᓄᐃᑦ ᑲᑎᓐᖓᖃᑎᒌᖃᑦᑕᓚᐅᖅᓯᒪᓐᖏᑦᑐᑦ. ᐅᓂᒃᑳᖅᑐᓂᓗ ᓯᕗᓪᓕᖅᐹᖏᓐᓂ ᐃᓪᓗᓕᐅᖅᑐᑎᒃ ᓂᐊᖁᓐᖒᒥ ᐊᖏᕐᕋᕆᔭᐅᓪᓗᑎᒃ ᑎᒥᒥᑎᒍᑦ ᐊᔪᖅᑐᓂᒃ. ᐅᓂᒃᑳᖃᖅᑐᓂᓗ ᐃᓪᓗᒋᔭᐅᖃᑦᑕᖅᑐᒥᓂᕐᓂᑦ ᐃᓄᓐᓂᒃ ᖃᓪᓗᓈᓂᓪᓗ, ᒫᑕ ᑎᑭᕝᕕᒃ ᐅᓂᒃᑳᕆᓪᓗᓂᒋᓪᓗ. ᐸᓪᓗ ᓇᐅᓪᓚᖅ ᐅᓂᒃᑳᖃᖅᑐᓂ ᓂᐊᖁᓐᖒᒧᑦ ᐊᐅᓪᓛᕐᓂᒥᓂᖓᓐᓂ, ᑎᑭᓐᓂᖏᓐᓂᓪᓗ ᑲᓇᑕᐅᑉ ᒐᕙᒪᒃᑯᖏᓐᓂ ᐃᖅᑲᓴᐃᔭᖅᑏᑦ ᐃᓪᓗᓕᐅᖅᑐᑎᓪᓗ ᓂᐊᖁᓐᖒᒧᓪᓗ ᐊᑐᕆᐊᓕᖅᑐᑎᒃ ᑲᓇᑕᐅᑉ ᒐᕙᒪᒃᑯᖏᑦ. ᐸᓪᓗ ᓇᐅᓪᓚ ᐅᖃᖅᑐᓂᓗ ᒥᐊᓕᒐᐃᑦ ᐃᖃᓗᒻᒥᐅᓂᒃ ᐃᑲᔪᖃᑦᑕᖅᑐᕐᔪᐊᕌᓘᓚᐅᖅᓯᒪᓂᖏᓐᓂ. ᔭᐃᑯ ᐱᑦᓯᐅᓛᖅ ᐃᖅᑲᐅᒪᔭᒥᓂᒃ ᐅᓂᒃᑲᖅᑐᓂᒃ ᓂᐊᖁᓐᖒᖅ ᐱᒋᐊᖅᐸᓪᓕᐊᓕᖅᑎᓪᓗᒍ ᐃᓪᓗᓕᐅᖅᐸᓪᓕᐊᓕᖅᑐᑎᓪᓗ. ᐅᓂᒃᑳᖅᑐᓂ ᐊᕐᓇᐃᑦ ᓂᕈᐊᖃᑦᑕᓚᐅᖅᓯᒪᔪᑦ ᓇᓪᓕᐊᓂ ᐃᓪᓗᖃᕈᒪᒻᒪᖔᑕ. ᒐᕙᒪᒃᑯᑦ ᓴᐅᓂᖏᓐᓂ ᓴᓇᓪᓗᑎᒃ, ᐃᖅᑲᐅᒪᕗᖅ, ᐊᖑᑎᓂᒃ ᐃᓪᓗᓕᐅᖅᑕᐅᓕᖅᑐᑎᒃ ᐃᓪᓗᐃᑦ. ᐅᓂᒃᑳᖃᖅᑐᓂᓗ ᓱᕋᖅᑎᖅᑕᐅᓂᖏᓐᓂ ᐃᓪᓗᐃᑦ ᒥᐊᓕᒐᒃᑯᑦ ᐱᖏᑦ. ᐅᓖᐱᑲ ᓄᓱᑦᑕ ᐃᖅᑲᐅᒪᒻᒥᔪᖅ ᐊᐅᓪᓚᕐᓂᕆᓚᐅᖅᓯᒪᔭᖏᓐᓂ ᒥᐊᓕᒐᐃᑦ, ᖃᓄᕐᓗ ᒐᕙᒪᒃᑯᑦ ᐋᖅᑮᓚᐅᖅᓯᒪᒻᒪᖔᑕ ᒪᓕᒐᖏᓐᓂ ᐊᑐᐊᒐᖏᓐᓂᓪᓗ. ᐊᓯᖏᑦ ᐃᓐᓇᐃᑦ ᐅᓂᒃᑳᖃᖅᑐᑎᒃ ᐱᐅᑦᑎᐊᖅᑐᓂᒃ ᐱᐅᓐᖏᑦᑐᓂᓪᓗ ᐊᓯᔾᔨᖅᑐᒥᓂᕐᓂᑦ ᓇᔅᓴᖅᑕᒥᓂᕐᓂᑦ ᑲᓇᑕᐅᑉ ᒐᕙᒪᒃᑯᖏᓐᓂ, ᐅᖃᖅᑐᓂᓗ ᑕᒪᒃᑯᐊ ᐃᓚᖏᑦ ᐱᒻᒪᕆᐅᒻᒪᑕ ᐃᖅᑲᐅᒪᔭᖏᓪᓗ ᐱᖃᓯᐅᑎᒋᐊᖃᕋᔭᖅᑐᑦ ᑖᔅᓱᒧᖓ ᐅᖃᓕᒫᒐᕐᒧᑦ. ᑖᒧᓯ ᓇᒡᓕᓐᓂᖅ, ᐃᓄᐊᐱᒃ ᓵᒋᐊᖅᑐᖅ, ᐊᓄᒑᖅ ᐊᕐᓇᖅᑯᑦ ᐃᓚᐃᔭ ᐸᓪᓗᕐᓗ ᓴᐃᒪᑦᑎᐊᕋᑎᒃ ᐅᓂᒃᑳᖃᓚᐅᖅᓯᒪᔪᑦ ᒥᐊᓕᒐᐃᑦ ᐃᑲᔪᕐᓂᕆᖃᑦᑕᖅᓯᒪᔭᖏᓐᓂ ᐃᓄᓐᓂᒃ. ᐅᖃᖅᑐᑎᓪᓗ ᐊᔅᓱᐊᓗᒃ ᖁᔭᓕᓯᒪᒻᒪᑕ ᒥᐊᓕᒐᕐᓂᑦ ᐃᖃᓗᓐᓂ ᐱᒋᐊᖅᑎᑦᑎᓚᐅᖅᓯᒪᔪᓂᒃ ᐊᓯᖏᓐᓂᓪᓗ ᓄᓇᓕᓐᓂᑦ ᓄᓇᕗᒻᒥ.