ᑐᑦᑕᕐᕕᖓ > ᐅᐊᓐᓇ ᑲᑎᓯᔪᖅ ᐱᖓᓐᓇᕐᒥᑦ > ᐃᓄᐃᑦ ᐃᖅᑲᐅᒪᓂᕆᔭᖏᑦ ᐅᓇᓕᒃᓴᔭᐃᑦ ᐃᖃᓗᖕᓃᓐᓂᕆᓚᐅᖅᑕᖏᓐᓂ > czb/C3Fs5 ciQi3usbsi6: sNo4n/i4 vtyymc5b3i6

The melting of the sea ice near Broughton Island.

On the shore of Ungava Bay south of Killiniq.

czb/C3Fs5 ciQi3usbsi6: sNo4n/i4 vtyymc5b3i6

ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᖅ ᐅᓂᒃᑳᖅ

ᖃᑕᔭᕋᕐᕕᐅᑉ ᖃᓂᒋᔮᓂᕐᒥᐅᑕᐅᓂᖅ: ᐅᓇᓕᒃᓴᔭᓂᒃ ᑲᑎᓯᓯᒪᖃᑦᑕᕐᓂᖅ

ᓈᓴᐅᑎᒻᒪᕆᒻᒥ 7-ᒥ, ᐃᓐᓇᐃᑦ ᐃᖅᑲᐅᒪᔪᑦ ᐃᓅᓯᖃᖅᑎᓪᓗᒋᑦ ᖃᓂᒋᔭᖓᓂ ᐳᕉᐱᓱ ᐸᐃ ᐅᓇᓕᖃᕐᕕᖓᓐᓂ ᐃᓄᐃᓪᓗ ᐅᓇᓖᓪᓗᑦ ᑲᑎᒪᖃᑦᑕᕐᓂᖏᑦ. ᐸᓪᓗ ᓇᐅᓪᓚᖅ ᔭᐃᑯ ᐱᑦᓯᐅᓛᖅ ᐃᖅᑲᐅᒪᓚᐅᖅᑑᒃ ᑲᑉᐱᐊᓱᖃᑦᑕᓚᐅᕐᓂᖏᓐᓂ ᐸᓖᓯᒃᑯᓐᓂ ᐊᓈᓇᖏᓐᓄᑦ ᐅᖃᐅᔾᔭᐅᖃᑦᑕᓂᕐᖓᑕ ᑎᒍᔭᐅᒐᔭᕐᖓᑕ ᑐᓵᑦᑎᐊᖃᑦᑕᖏᒃᑯᑎᒃ. ᐃᖃᓗᒃ ᐊᐃᐱᓕ ᐅᖃᓚᐅᖅᓯᒪᒻᒥᔪᖅ, ᐸᓖᓰᑦ ᐅᐊᑦᑎᑐᐃᓐᓇᐅᕙᓪᓚᐃᔪᒥᓂᐅᓂᕋᖅᑐᓂᒋᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐅᕝᕙᓘᓐᓃᑦ ᖃᓄᐃᖃᑦᑕᐅᑎᖏᒃᑲᓗᐊᕐᒪᖔᑕ ᐃᓄᐃᑦ ᖃᓪᓗᓈᓪᓗ ᐅᐊᑦᑎᔨᐅᓂᐊᖅᑐᒥᑦ. ᑭᓯᐊᓂᓕ, ᐸᓪᓗ ᓴᐅᓪᓚᖅ ᐅᖃᓚᐅᖅᓯᒪᔪᖅ, ᐃᓄᐃᑦ ᐃᓱᒪᖅᓱᖅᑎᐊᓚᐅᖅᓯᒪᔪᒡᒎ ᐳᓛᕆᐊᕈᒪᓐᓂᕈᑎᒃ ᒥᐊᓕᒐᕐᓂᑦ ᐊᕐᓇᐃᓪᓗ ᐃᓄᑑᓪᓗᑎᒃ ᐳᓛᕆᐊᖃᑦᑕᕆᐊᖃᕐᓂᖏᑦᑑᒐᓗᐊᑦ. ᐃᓄᐊᐱᒃ ᓵᒋᐊᖅᑐᖅ ᐅᖃᕆᓪᓗᓂᓗ ᒥᐊᓕᒐᐃᑦ ᐳᓛᕆᐊᖃᖃᑦᑕᓂᓐᖏᑦᑐᑦ ᐃᓄᓐᓂᒃ ᐅᓐᓄᐊᓗᒃᑯᑦ. ᐃᓐᓇᐃᑦ ᐃᖅᑲᐅᒪᒻᒥᔪᑦ ᓴᐃᓕᖃᑦᑕᓂᕐᖓᑕ ᖃᓄᐃᓘᖅᑎᑕᐅᓪᓗᑎᓪᓗ ᐅᓇᓕᖃᕐᕕᒻᒥ: ᑕᕐᕆᔭᖅᑐᑎᒃ, ᖁᕕᐊᓱᕝᕕᒻᒥ ᖁᕕᐊᓲᑎᖃᖅᑐᑎᒃ, ᓂᔾᔭᐅᓯᔭᕐᓂᓪᓗ. ᓵᒥ ᑎᑭᕝᕕᒃ ᐅᓂᒃᑳᖃᕆᓪᓗᓂᓗ ᓂᐅᕕᕐᕕᐅᓚᐅᖅᓯᒪᔪᒥᒃ ᒥᐊᓕᒐᖅᑕᓕᒻᒥ, ᐊᑭᑭᑦᑐᐊᓘᓪᓗᑎᓪᓗ. ᐅᕿ ᑯᓄᒃ ᐅᖃᖅᑐᓂ ᒥᐊᓕᒐᐃᑦ ᓘᑦᑖᖓ ᐅᐸᒍᑎᖃᑦᑕᕆᐊᖃᕐᓂᕋᓚᐅᖅᓯᒪᔭᖓ ᑐᐊᕕᕐᓇᖅᑐᖃᖅᑎᓪᓗᒍ. ᑲᓇᔪ ᐊᐃᐱᓕ ᐅᖃᖅᑐᓂ ᐃᓄᐃᑦ ᐊᐃᑉᐸᖃᓗᐊᖃᑦᑕᖏᑦᑐᒥᓂᐅᔭᕆᐊᖏᑕ ᒥᐊᓕᒐᕐᓂᑦ, ᑭᓯᐊᓂᓕ ᒥᐊᓕᒐᐃᑦ ᐃᓛᓐᓂᒃᑯᑦ ᑐᐱᕐᓅᖃᑦᑕᖅᐸᔪᔪᑦ ᐸᔪᑦᑐᑎᒃ ᑭᓱᑐᐃᓐᓇᕐᓂᑦ. ᑭᓯᐊᓂᓕ, ᓴᐃᒨᓂ ᒪᐃᑯ ᐅᖃᓚᐅᖅᑐᖅ ᒥᐊᓕᒐᐃᑦ ᐃᓄᐃᑦ ᓄᓇᖓᓐᓅᖃᑦᑕᕈᒪᕙᔪᔪᑦ ᐊᔾᔨᓕᐅᕆᔭᖅᑐᖅᑐᑎᒃ ᐸᓖᓯᒃᑯᓂᑦ ᑭᓯᐊᓂ ᐊᐃᑉᐸᖃᕐᓗᑎᒃ; ᔫᓯ ᐃᑏᑎᖅ ᐃᖅᑲᐅᒪᒻᒥᔪᖅ ᒥᐊᓕᒐᐃᑦ ᐱᓱᕋᔭᖃᑦᑕᑐᖅᐹᓘᓐᓂᕐᖓᑕ ᓈᑦᑎᐅᖑᔭᒥ ᐊᔾᔨᓕᐅᕆᖃᑦᑕᖅᑐᑎᓪᓗ. ᐃᓚᖏᑦ ᐃᓐᓇᐃᑦ ᐅᓂᒃᑳᖃᓚᐅᖅᓯᒪᒻᒥᔪᑦ ᐊᔅᓯᑯᐅᑉ ᒥᔅᓵᓄᑦ, ᒥᐊᓕᒐᐃᑦ ᑭᓱᕈᓘᔮᓗᓐᓂᑦ ᐃᒋᐅᖅᑲᐃᖃᑦᑕᓂᕐᖓᑕ - ᓂᕿᓂᑦ, ᖃᑦᑖᕐᔪᓛᓂᑦ, ᐊᓐᓄᕌᓂᑦ, ᐸᓂᑲᕐᓂᖅ ᐴᔅᓴᓂᓪᓗ. ᐃᓄᐃᑦ ᐊᔅᓯᕕᔅᓯᐅᕆᐊᖅᐸᔪᔪᑦ ᐊᑐᕈᓐᓇᖅᑕᖏᓐᓂ ᐱᓪᓗᑎᒃ. ᐊᑭᓱ ᔫᒥ ᐅᖃᖅᑐᓂ ᒥᐊᓕᒐᐃᒡᒎ ᑕᐃᒫᒃ ᐱᔮᕆᓪᓗᑎᒃ ᐃᑲᔪᕋᓱᐊᖃᑦᑕᖅᑐᒥᓃᑦ ᐃᓄᓐᓂᑦ ᑲᑎᓯᖃᑦᑕᕆᐊᖃᓐᖏᓗᐊᖅᑎᑕᐅᒻᒪᑕ. ᐃᓄᐊᐱᒃ ᓵᒋᐊᖅᑐᖅ ᐅᖃᖅᑐᓂ ᖃᓪᓗᓈᑦ ᑕᐃᔅᓱᒪᓂ ᑐᓐᖓᓇᓗᐊᓚᐅᖅᓯᒪᓐᖏᑦᑐᑦ. ᐃᓚᐃᔭ ᐸᓪᓗᖅ ᐅᖃᖅᑐᓂ ᐃᓄᐃᑦ ᑕᐃᔅᓱᒪᓂ ᐊᓐᓄᕌᑐᖃᖏᓐᓂ ᐊᑐᖃᑦᑕᓂᓐᖏᑦᑐᑦ, ᑭᓯᐊᓂ ᓱᕈᓰᑦ, ᒥᐊᓕᒐᐃᑦ ᐃᓐᓇᖅᓯᐅᑎᓂᒃ ᐊᓐᓄᕌᖅᓯᒪᖃᑦᑕᓂᕐᖓᑕ. ᐅᕿ ᑯᓄᒃ ᐅᖃᕆᓪᓗᓂᓗ ᐃᓚᖏᑦ ᐃᓄᐃᑦ ᓂᐅᕕᖃᑦᑕᖅᑐᒥᓂᐅᒋᐊᖏᓐᓂ ᐊᓐᓄᕌᕐᓂᑦ ᓂᐅᕕᖅᑎᑯᓐᓂ, ᑭᓯᐊᓂᓕ ᐃᓚᖏᑦ ᒥᐊᓕᒐᕐᓂᑦ ᐱᖃᑦᑕᖅᑐᑎᒃ, ᐊᔅᓯᕕᒻᒥᓪᓘᓐᓃᑦ. ᐃᓚᐃᔭ ᒪᐃᒃ ᐃᖅᑲᐅᒪᒻᒥᔪᖅ ᒥᐊᓕᒐᐃᑦ ᐅᓇᓕᖏᑦ ᐱᓕᒻᒪᔅᓴᖃᑦᑕᕆᐊᖏᓐᓂ. ᐸᓪᓗ ᓇᐅᓪᓚᖅ ᐅᖃᖅᑐᓂ ᐅᓇᓖᑦ ᖁᑭᕆᐊᕆᐅᔅᓴᖃᑦᑕᖅᑐᒥᓂᐅᒋᐊᖏᑕ ᐳᓪᓚᑦᑕᔫᕋᓛᕈᓗᓐᓂᒃ. ᐃᖅᑲᐅᒪᒻᒥᔪᖅ ᒥᐊᓕᒐᐃᑦ ᖁᑭᐅᓯᔭᐃᓐᓇᕆᐊᖏᑕ ᑲᑉᐱᐊᒋᖃᑦᑕᖅᑐᓂᒋᓪᓗ. ᐃᓄᐊᐱᒃ ᓵᒋᐊᖅᑐᖅ ᐃᖅᑲᐅᒪᒻᒥᔪᖅ ᐳᓪᓚᑦᑕᔫᕋᓛᕈᓗᓐᓂᑦ ᒥᐊᓕᒐᐃᑦ ᖃᖓᖅᑕᖅᑎᑦᑎᕙᔪᒻᒪᑕ ᖃᐅᔨᒃᑲᐃᔾᔪᑎᒋᓇᓱᐊᖅᑐᓂᒋᑦ.