ᑐᑦᑕᕐᕕᖓ > ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕙᓪᓕᐊᓂᖅ > ᐋᓐᓂᐊᕐᓂᖅ ᐋᓐᓂᐊᖅᑕᐃᓕᒪᓂᖅ

Hunting camp near Iqaluit.

ᐋᓐᓂᐊᕐᓂᖅ ᐋᓐᓂᐊᖅᑕᐃᓕᒪᓂᖅ

ᓇᐃᓪᓕᑎᖅᓯᒪᔪᖅ ᐅᓂᒃᑳᖅ:
ᐅᓂᒃᑳᖅ

ᐃᓄᐃᑦ ᐋᓐᓂᐊᕐᓂᕐᒧᑦ ᖃᐅᔨᒪᓂᖏᑦ ᒪᒥᓴᐃᑐᐃᓐᓇᖏᑦᑐᑦ ᐊᑐᖅᑕᐅᒋᐊᖃᓪᓚᕆᑦᑐᑦ ᑎᒥᒧᑦ ᖃᓂᒪᔪᒧᑦ. ᑕᕝᕙᓂ ᐅᖃᖅᓯᒪᔪᓂᒃ, ᐃᓱᐸᓗᐊᓂᖃᐃ ᐅᓂᒃᑳᕆᔭᐅᓂᐊᖅᑐᖅ, ᐊᑐᑎᖃᕐᓂᖏᑦ, ᖃᓂᒪᓂᖅ ᐃᓕᓐᓂᐊᕈᑎᒋᔪᓐᓇᖅᑕᕗᑦ ᖃᓄᖅ ᐃᓅᓯᖅ ᐊᓐᓇᐅᒪᒍᓐᓇᓕᕐᒪᖔᖅ ᓴᓐᖏᔪᓂᒃ ᑕᕐᓂᖃᕐᓗᓂ. ᐃᓱᒪ ᑎᒥᓗ ᐊᑦᑐᐊᓂᖃᕐᖓᑕ ᐊᕙᑎᑦᑎᓐᓄᑦ, ᐃᓅᓯᒃᑰᒐᓗᐊᖅᑯᑦ, ᑎᒥᒃᑰᒐᓗᐊᖅᑲᑦ ᓂᕐᔪᑎᒃᑰᒐᓗᐊᖅᑲᑦ. ᓄᖑᑉᐸᓪᓕᐊᓂᖏᑦ ᐃᓅᓯᖅ ᐊᑦᑐᖅᑕᐅᔪᓐᓇᕐᖓᑕ ᓴᖅᑭᖅᑐᓄᑦ ᐱᕐᕈᓗᐊᕿᓄᑦ - ᓇᒻᒥᓂᖅ ᐸᐸᑦᑎᐊᕆᐊᖃᖅᑯᒍᑦ ᐃᓅᓯᑦᑎᓐᓂ ᐊᐅᓚᑦᑎᐊᖁᓪᓗᑕ.
ᐊᐱᖅᓲᑎᓂᒃ, ᖃᐅᔨᓚᐅᖅᑐᒍ ᖃᓂᒪᓂᖅ ᓴᖅᑭᖅᓯᒪᒻᒪᑦ ᓯᓚᑦᑎᑦᑎᓐᓂ, ᑎᒥᑦᑎᓐᓂ ᐊᓂᑎᒋᐊᖃᕋᑦᑎᒍ. ᒪᒥᓴᕐᓂᖅ ᐱᔾᔪᑎᖃᖅᑯᖅ ᑎᒥᑦᑎᓐᓂ ᐊᓂᐊᒋᐊᖃᕋᑦᑎᒍ ᐃᓄᓪᓗ ᒪᒥᓴᕆᐊᖃᓕᖅᑐᓂ ᓄᓇᖓᓐᓂ. ᑕᐃᒪᓐᖓᓂ ᖃᓪᓗᓈᑦ ᑎᑭᓚᐅᖅᓯᒪᒻᒪᑕ, ᐅᑉᐱᕆᔭᐃᑦ ᐊᓯᔾᔨᖅᓯᒪᒻᒪᕆᒻᒪᑕ. ᑖᓐᓇ ᐅᖃᓕᒫᒐᖅ ᐅᖃᐅᓯᖃᖅᑐᖅ ᖃᓄᖅ, ᐅᓪᓗᒥᐅᔪᖅ, ᐃᓐᓇᐃᑦ ᐊᖏᖃᑎᖃᕈᓐᓇᕐᒪᖔᑕ ᐃᓚᖏᓐᓂ ᐅᑉᐱᕆᔭᖏᓐᓂ ᐃᖅᑯᓯᑐᖃᖏᓐᓂᓪᓗ ᐊᑐᑎᖃᓗᐊᕈᓐᓃᕐᓂᖏᓐᓂ. ᑕᐃᒪᐃᒃᑯᓗᐊᖅᑎᓪᓗᒍ, ᐊᑐᖃᑦᑕᕋᓗᐊᕐᓗᑎᒍ ᖃᓪᓗᓈᑦ ᐄᔭᒐᖏᑦ, ᑕᒪᒃᑯᐊ ᐃᓐᓇᐃᑦ ᐅᑎᖅᑎᑦᑎᖁᔨᓪᓚᕆᑉᐳᑦ ᐱᖅᑯᓯᑐᖃᕆᕙᓚᐅᖅᑕᖏᓐᓂ, ᐃᓅᓇᓱᐊᑦᑎᐊᕐᓂᕐᒧᑦ ᐊᑐᑎᖃᑦᑎᐊᕐᖓᑕ. ᑕᕝᕙᓂ, ᐱᖅᑯᓯᐅᔪᖅ ᑭᐅᔾᔪᑎᖃᕈᓐᓇᖅᑐᖅ ᓇᓗᓇᐃᒃᑯᑎᒋᓗᑎᒍ ᐅᓪᓗᒥᐅᔪᖅ ᐊᑐᕈᓐᓇᖅᑕᕗᑦ. ᑕᐃᒪᓕ, ᑕᒪᒃᑯᐊ ᐊᐱᖅᓱᓐᓂᐅᓚᐅᖅᑐᑦ ᓴᓐᖏᔪᐊᓗᓐᓂᒃ ᐅᖃᐅᓯᖃᕐᖓᑕ, ᓴᓐᖓᑎᑉᐸᓪᓕᐊᒋᐊᖃᕐᓂᖏᓐᓂᓪᓗ ᓱᕈᓰᑦ ᑕᕐᓂᖏᓐᓂ ᐃᓅᕋᑖᕐᓂᕐᒥᓂᒃ, ᐃᑲᔫᓯᖃᕐᖓᑕ ᐊᔅᓱᕈᕐᓂᖏᓐᓂ, ᐱᓗᐊᖅᑐᒥᑦ ᐱᐅᓐᖏᑦᑐᒥᒃ ᑕᑯᓐᓇᖃᑦᑕᑎᓪᓗᒍ. ᑕᒪᓐᓇ ᓴᓐᖓᑦᑎᒍᑎᒋᔪᓐᓇᕐᒥᔭᖓ ᑐᔅᓯᐊᕐᓂᖅ ᖃᕿᐊᓕᕐᓂᖅ, ᑕᒪᒃᑯᐊ ᒪᒥᓴᕐᓂᕐᒧᑦ ᐊᑐᑎᖃᑦᑎᐊᕐᖓᑕ.
ᑖᓐᓇ ᐅᖃᓕᒫᒐᖅ ᓴᖅᑭᓚᐅᖅᓯᒪᔪᖅ ᑲᑎᒪᑎᓪᓗᒋᑦ 1997-ᒥ ᐊᒻᒪᓗ 1998-ᒥ, ᒪᕐᕉᓕᖅᑲᖓᓪᓗᓂ; ᓯᕗᓪᓕᖅᐹᖅ ᓄᐊᑕᐅᓯᒪᔪᑦ ᐃᓐᓇᕐᓂᑦ ᐱᖓᓐᓇᖓᓂ ᕿᑭᖅᑖᓘᑉ, ᐊᐃᑉᐸᖓ ᐃᓐᓇᕐᓂᑦ ᓂᒋᐊᓂ ᕿᑭᖅᑖᓘᑉ. ᓯᕗᓪᓕᖅᐹᖓ ᐅᖃᐅᓯᖃᖅᑐᑦ ᖃᓄᐃᑦᑐᖃᑦᑕᕐᓂᖏᓐᓂ ᖃᓄᕐᓗ ᐃᑲᔪᕈᓐᓇᕐᒪᖔᑖ ᖃᓂᒪᔪᓂᒃ ᐱᖅᑯᓯᖏᓐᓂᓪᓗ ᐊᑐᕐᓗᑎᒃ ᑭᐅᔪᓐᓇᕐᓗᑎᓪᓗ ᐃᓄᒃ ᐃᓱᒪᓗᑦᑐᖅ ᑎᒥᒃᑯᓪᓗ ᐊᔪᕈᑎᖃᖅᑐᖅ ᖃᓄᖅ ᐃᑲᔪᖅᑕᐅᔪᓐᓇᕐᒪᖔᑕ. ᐊᐃᑉᐸᖓᓕ ᐅᖃᐅᓯᖃᖅᑐᖅ ᑐᑭᖏᓐᓂ ᐊᑐᖅᑕᐅᔪᓂᒃ ᒪᒥᓴᕐᓂᕐᒥᑦ ᐃᓅᔪᓂᓪᓗ, ᐊᒻᒪᓗ ᖃᓄᖅ ᒪᒥᓴᐃᖃᑦᑕᓂᕐᒪᖔᑕ. ᐱᒻᒪᕆᐅᕗᖅ ᐃᓱᒪᓂᖅ, ᐃᑉᐱᒍᓱᓐᓂᖅ ᐅᖃᐅᓰᓪᓗ ᐅᖃᐅᓯᕆᔭᐅᒋᓪᓗᑎᒃ. ᑭᖑᓪᓕᖅᐹᒥᓪᓗ ᑕᕝᕙᓂ, ᐊᐃᑉᐸᖓ ᕿᒥᕐᕈᒻᒥᔪᖅ ᐅᓪᓗᒥᐅᔪᖅ ᖃᐅᔨᒪᓂᐅᔪᓂᒃ ᐋᓐᓂᐊᖅᑐᓕᕆᓂᕐᒥ ᐊᑐᖅᑕᐅᔪᓐᓇᖅᑐᓂᒃ ᐱᕈᖅᑐᓂᒃ. ᐊᒻᒪᓗ ᐱᖃᓯᐅᑎᓪᓗᒋᑦ ᐊᑦᑐᐊᓂᖃᕐᓂᖏᓐᓂ ᐊᖓᒃᑯᕆᓂᕐᒥᑦ ᐃᓐᖏᐅᓯᓄᓪᓗ.
ᐅᖃᖅᑕᐅᓯᒪᔪᑦ:
“cimc8N`8q8Nh1i6 w8N3k5 si4vsyE/s/Çzu w˚2 tugxfl4 whmQ/s?`QM6
whmzl w˚yzl x?to+mzl wMQ/sy/s0/sq8Ns/6S5.”
Gm2W6tZ6 !H