ᑐᑦᑕᕐᕕᖓ > ᒐᕙᒪᒃᑯᑦ ᐱᔨᑦᑎᕋᖅᐸᓪᓕᐊᓕᕐᓂᖏᑦ ᐅᑭᐅᖅᑕᖅᑐᒥ > ᐊᓐᓇᐅᒪᓂᕋᕐᓂᐅᓂᕋᖅᑕᕗᑦ > ᐱᓇᓱᐊᖅᑕᐅᔫᑉ ᐊᑎᕈᓰᑦ

ᐱᓇᓱᐊᖅᑕᐅᔫᑉ ᐊᑎᕈᓰᑦ

ᐅᖃᖅᑕᐅᓯᒪᔪᑦ:
ᐱᓇᓱᐊᖅᑕᐅᔫᑉ ᐊᑎᕈᓰᑦ
1969-ᖑᑎᓪᓗᒍ, ᓴᐃᒨᓂ ᒪᐃᑯ, ᓯᕗᓪᓕᖅᐹᖑᓪᓗᓂ ᓄᓇᖃᖅᑳᖅᑐᒥᓂᐅᓪᓗᓂ ᑲᓇᑕᒥᐅᑕᐅᓪᓗᓂ ᓂᕈᐊᖅᑕᐅᓚᐅᖅᓯᒪᔪᖅ, ᑲᑎᒪᓂᕐᒥᑦ ᓂᓪᓕᐊᓚᐅᖅᓯᒪᔪᖅ ᓈᒻᒪᔅᓴᓐᖏᓂᕐᒥᓂᒃ ᓈᓴᐅᑎᑖᖅᑎᑕᐅᓯᒪᓂᖏᓐᓂ ᑲᓇᑕᐅᑉ ᒐᕙᒪᒃᑯᖏᓐᓂ; ᓱᓪᓕ ᑎᑎᖅᑲᖅᑖᕆᕙᑦᑕᖏᑦ ᑎᑎᖅᑲᓂᐊᕐᕕᑎᒍᑦ ᐃᒪᐃᓕᖓᕙᑦᑐᒥᓃᑦ “ᓴᐃᒨᓂ E7-551.” ᑕᒪᓐᓇ ᐱᕙᓪᓕᐊᔪᒃᑯᓐᓂ ᑐᓴᖅᑕᐅᓚᐅᖅᓯᒪᔪᖅ, ᒐᕙᒪᒃᑯᑦ ᓄᓇᑦᑎᐊᕐᒥ ᐊᑎᕈᓯᖅᑖᖅᑎᑦᑎᖔᓕᓚᐅᖅᓯᒪᕗᑦ. ᐊᐃᑉ ᖃᐅᔨᒪᓂᕐᒥᓂᒃ ᐊᑐᖅᑐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ ᑐᑭᓯᐅᒪᓂᖏᓐᓂᓪᓕ ᐊᔾᔨᒌᓐᖏᑦᑐᓂᒃ ᐅᖃᐅᓯᕐᓂᑦ ᓄᓇᓕᓐᓄᑦ ᐳᓚᕋᓕᓚᐅᖅᓯᒪᕗᖅ ᐊᑎᕈᓯᖅᑖᖅᑎᑦᑎᔭᖅᑐᖅᑐᓂ. ᐃᓄᓐᓂᒃ ᐅᖃᐅᔾᔨᕙᑦᑐᓂ ᑭᐅᕙᑦᑐᓂᓪᓗ, ᐅᓂᒃᑳᖅᑎᐊᖅᑐᓂᓗ ᐊᑎᖃᕐᓂᐊᓕᕐᖓᑕ ᓂᕈᐊᕆᔭᒥᓂᒃ. ᐃᓄᓕᒫᐸᓗᐃᑦ ᐊᑎᖅᑖᖅᑐᓚᐅᖅᑐᑦ ᓯᕗᓕᖏᑦᑕ ᐊᑎᖏᓐᓂ. ᐊᐃᑉ ᐃᖅᑲᓇᐃᔭᖃᑎᖃᖅᑐᓂ ᐅᖃᐅᓯᓕᕆᔨᒥᒃ ᐋᖅᑭᑦᑎᐊᖅᑎᒐᓱᐊᖃᑦᑕᓚᐅᖅᑐᑦ ᑎᑎᕋᖅᓯᒪᓂᖏᓐᓂ. ᖃᖓᑕᓲᒃᑰᖃᑦᑕᓚᐅᖅᑐᖅ ᓱᓇᒃᑯᑖᕐᓂᑦ ᐋᑦᑎᔪᓂᒃ, ᑲᑎᒪᔭᖅᑐᖅᑐᓂᒃ ᐋᓐᓂᐊᖅᑐᓕᕆᔨᒃᑯᑦ, ᓄᓇᓕᓐᓂ ᑐᔅᓯᐊᕐᕕᓕᕆᔨᒃᑯᑦ, ᐸᓖᓯᒃᑯᑎᒍᓪᓗ. ᐊᑐᕈᓯᖅᑖᖅᑎᑦᑎᓂᖅ ᐱᔭᕇᓚᐅᖅᓯᒪᔪᖅ 1971-ᖑᑎᓪᓗᒍ, ᐱᓕᕆᐊᒻᒪᕆᐅᓚᐅᖅᓯᒪᔪᖅ ᓄᓇᑦᑎᐊᕐᒥ, ᑕᐃᑲᓂ ᐊᕐᕌᒍᒥ ᓄᖅᑲᑎᑦᑎᓕᓚᐅᖅᓯᒪᕗᑦ ᒐᕙᒪᒃᑯᑦ ᓈᓴᐅᑎᑖᖅᑎᑦᑎᓂᕐᒥᑦ ᐃᓄᓐᓂᒃ.
ᐅᓂᒃᑳᖅᑐᖅ:
1969-ᖑᑎᓪᓗᒍ, ᓴᐃᒨᓂ ᒪᐃᑯ, ᓯᕗᓪᓕᖅᐹᖑᓪᓗᓂ ᓄᓇᖃᖅᑳᖅᑐᒥᓂᐅᓪᓗᓂ ᑲᓇᑕᒥᐅᑕᐅᓪᓗᓂ ᓂᕈᐊᖅᑕᐅᓚᐅᖅᓯᒪᔪᖅ, ᑲᑎᒪᓂᕐᒥᑦ ᓂᓪᓕᐊᓚᐅᖅᓯᒪᔪᖅ ᓈᒻᒪᔅᓴᓐᖏᓂᕐᒥᓂᒃ ᓈᓴᐅᑎᑖᖅᑎᑕᐅᓯᒪᓂᖏᓐᓂ ᑲᓇᑕᐅᑉ ᒐᕙᒪᒃᑯᖏᓐᓂ; ᓱᓪᓕ ᑎᑎᖅᑲᖅᑖᕆᕙᑦᑕᖏᑦ ᑎᑎᖅᑲᓂᐊᕐᕕᑎᒍᑦ ᐃᒪᐃᓕᖓᕙᑦᑐᒥᓃᑦ “ᓴᐃᒨᓂ E7-551.” ᑕᒪᓐᓇ ᐱᕙᓪᓕᐊᔪᒃᑯᓐᓂ ᑐᓴᖅᑕᐅᓚᐅᖅᓯᒪᔪᖅ, ᒐᕙᒪᒃᑯᑦ ᓄᓇᑦᑎᐊᕐᒥ ᐊᑎᕈᓯᖅᑖᖅᑎᑦᑎᖔᓕᓚᐅᖅᓯᒪᕗᑦ. ᐊᐃᑉ ᖃᐅᔨᒪᓂᕐᒥᓂᒃ ᐊᑐᖅᑐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ ᑐᑭᓯᐅᒪᓂᖏᓐᓂᓪᓕ ᐊᔾᔨᒌᓐᖏᑦᑐᓂᒃ ᐅᖃᐅᓯᕐᓂᑦ ᓄᓇᓕᓐᓄᑦ ᐳᓚᕋᓕᓚᐅᖅᓯᒪᕗᖅ ᐊᑎᕈᓯᖅᑖᖅᑎᑦᑎᔭᖅᑐᖅᑐᓂ. ᐃᓄᓐᓂᒃ ᐅᖃᐅᔾᔨᕙᑦᑐᓂ ᑭᐅᕙᑦᑐᓂᓪᓗ, ᐅᓂᒃᑳᖅᑎᐊᖅᑐᓂᓗ ᐊᑎᖃᕐᓂᐊᓕᕐᖓᑕ ᓂᕈᐊᕆᔭᒥᓂᒃ. ᐃᓄᓕᒫᐸᓗᐃᑦ ᐊᑎᖅᑖᖅᑐᓚᐅᖅᑐᑦ ᓯᕗᓕᖏᑦᑕ ᐊᑎᖏᓐᓂ. ᐊᐃᑉ ᐃᖅᑲᓇᐃᔭᖃᑎᖃᖅᑐᓂ ᐅᖃᐅᓯᓕᕆᔨᒥᒃ ᐋᖅᑭᑦᑎᐊᖅᑎᒐᓱᐊᖃᑦᑕᓚᐅᖅᑐᑦ ᑎᑎᕋᖅᓯᒪᓂᖏᓐᓂ. ᖃᖓᑕᓲᒃᑰᖃᑦᑕᓚᐅᖅᑐᖅ ᓱᓇᒃᑯᑖᕐᓂᑦ ᐋᑦᑎᔪᓂᒃ, ᑲᑎᒪᔭᖅᑐᖅᑐᓂᒃ ᐋᓐᓂᐊᖅᑐᓕᕆᔨᒃᑯᑦ, ᓄᓇᓕᓐᓂ ᑐᔅᓯᐊᕐᕕᓕᕆᔨᒃᑯᑦ, ᐸᓖᓯᒃᑯᑎᒍᓪᓗ. ᐊᑐᕈᓯᖅᑖᖅᑎᑦᑎᓂᖅ ᐱᔭᕇᓚᐅᖅᓯᒪᔪᖅ 1971-ᖑᑎᓪᓗᒍ, ᐱᓕᕆᐊᒻᒪᕆᐅᓚᐅᖅᓯᒪᔪᖅ ᓄᓇᑦᑎᐊᕐᒥ, ᑕᐃᑲᓂ ᐊᕐᕌᒍᒥ ᓄᖅᑲᑎᑦᑎᓕᓚᐅᖅᓯᒪᕗᑦ ᒐᕙᒪᒃᑯᑦ ᓈᓴᐅᑎᑖᖅᑎᑦᑎᓂᕐᒥᑦ ᐃᓄᓐᓂᒃ.