ᑐᑦᑕᕐᕕᖓ > ᐱᕙᓪᓕᐊᓕᕐᓂᖓ ᓄᓇᕗᑦ > ᐊᓯᔾᔨᖅᑕᐅᕙᓪᓕᐊᓂᖓ ᑲᓇᑕ > xsMbw5 Z?m4f8k5

Inuit woman accordeon

xsMbw5 Z?m4f8k5

ᐅᖃᖅᑕᐅᓯᒪᔪᑦ:
ᔮᓐ ᐊᒪᕈᐊᓕᒃ

ᓯᕗᓪᓕᖅᐹᒥ ᐃᖅᑲᐅᒪᔪᖓ ᐸᓖᓯᒥᒃ ᖃᐃᔪᖃᕐᖓᑦ ᐸᓖᓯᒃᑯᓐᓂ ᓄᓇᓕᕋᓛᑦᑎᓐᓄᑦ ᐊᓯᕙᕐᕕᒋᓯᒪᔭᑦᑎᓐᓂ, ᐊᐱᕆᔭᖅᑐᑦᑐ, ᐊᖏᔪᖅᑳᕐᓂᐅᕙᖓ. ᐃᖅᑲᐅᒪᔪᖓ ᐅᑎᖅᑕᐃᓐᓇᖅᑐᐊᓘᕙᓚᐅᕐᖓᑕ ᐅᑎᕐᒥᒐᒥᓗ ᐃᓚᖓᓐᓂ. ᐃᓚᒌᑦᑎᒍᑦ ᐊᐅᓪᓛᖅᑕᐅᔪᒪᓚᐅᖅᓯᒪᔪᒍᑦ ᐊᓯᐊᓄᑦ ᐃᓄᔾᔪᐊᒥᑦ. ᐃᖅᑲᐅᒪᔪᖓ ᐅᒥᐊᕐᔪᐊᕐᒥ ᓇᒧᓐᖓᐅᔾᔭᐅᓂᐊᕐᓂᑎᓐᓂ ᑕᑯᕐᕈᔾᔭᐅᓪᓗᑕ ᐱᓇᓱᐊᕈᓯᒐᓚᓐᓂᒃ ᖁᑦᑎᑦᑐᓕᐊᕋᓱᐊᕐᓂᐊᖅᑐᑕᓗ. ᑕᐃᑲᓂ ᖁᕕᐊᓱᓚᐅᕈᓐᓃᖅᑐᒍ ᕿᓚᓈᓐᖏᑦᑎᐊᖅᑐᑕᓗ, ᐊᕙᑎᖓᓪᓗ ᐊᔅᓱᐊᓗᒃ ᐊᔾᔨᒋᓚᐅᓐᖏᑕᖏᑦ ᓂᓪᓚᓱᑦᑐᐊᓘᓪᓗᓂᓗ. ᓄᓇᑦᑎᐊᕙᐅᓂᖅᐹᖑᓚᐅᓐᖏᑦᑐᖅ. ᐃᓄᖃᓐᖏᑦᑐᐊᓘᓪᓗᓂᓗ. ᓂᓪᓚᓱᑦᑐᐊᓘᓪᓗᓂᓗ. ᓲᕐᓘᓇ ᑕᖅᑭᐅᑉ ᓄᓇᖓᑕ ᐊᔾᔨᖓ.
ᐅᓂᒃᑳᖅᑐᖅ:
ᓯᕗᓪᓕᖅᐹᖓᓐᓂ ᓈᓴᐅᑎᒻᒪᕆᒻᒥ, ᔮᓐ ᐊᒪᕈᐊᓗᒃ ᐅᓂᒃᑳᖃᖅᑐᖅ ᐃᖅᑲᐅᒪᔭᒥᓂᖓᓐᓂ ᓱᕈᓯᐅᓂᕐᒥᓂᒃ ᓄᓇᒋᖃᑦᑕᖅᑐᒥᓂᖏᓐᓂ ᓇᒥᑐᐃᓐᓇᖅ ᓯᓚ ᒪᓕᑦᑐᒍ. ᐃᓚᖏᑦ ᐃᖅᑲᐅᒪᒐᓛᑦᑕᖏᑦ, ᐃᖅᑲᐅᒪᓪᓚᕆᑦᑕᖏᑦ ᑭᓯᐊᓂ ᐸᓖᓯᒃᑯᑦ ᐊᐅᓪᓛᖅᓯᓂᒥᓂᖏᑦ ᐃᓚᒌᓐᓂᒃ ᐃᓄᒃᔪᐊᒥ ᖃᐅᓱᐃᑦᑐᒧᑦ. ᐅᓂᒃᑳᖃᖅᑐᓂ ᐊᖏᔪᖅᑳᖏᑦ ᐊᖏᖃᑦᑕᖏᑦᑐᒥᓂᐅᔭᕆᐊᖏᑕ ᐊᒥᓱᐊᖅᑎᖅᑐᑎᒃ, ᐊᖏᕐᓂᖏᓐᓂᓪᓗ, ᖃᓄᐃᑦᑐᓂᕆᓂᐊᓕᖅᑕᖏᓐᓂᓪᓗ ᐸᓖᓯᒃᑯᑦ ᐃᓄᐃᓪᓗ ᑕᐃᔅᓱᒪᓂ. ᔮᓐ ᐅᓂᒃᑳᖃᖅᑐᖅ ᐅᒥᐊᕐᔪᐊᒃᑰᓐᓂᕆᓚᐅᖅᓯᒪᔭᖓᓐᓂ ᖁᑦᑎᑦᑐᒧᑦ ᐅᓂᒃᑳᖅᑐᓂᓗ ᖃᓄᐃᑦᑐᓂᕆᖃᑦᑕᖅᑕᒥᓂᖏᓐᓂ ᐊᖅᑯᑖᓂ ᓄᖅᑲᕋᐃᒻᒪᑕ. ᐅᓂᒃᑳᑲᓐᓂᓕᕆᓪᓗᓂ ᐃᓚᒥᓂᒃ ᐊᐅᓪᓚᖅᑎᑕᐅᓐᓂᒥᓂᕐᒥᓂᒃ - ᓱᓂᓕᕋᖅᑐᐊᓘᓚᐅᕋᓗᐊᖅᑐᑎᒃ ᑕᐃᒃᑯᐊ ᐊᐅᓪᓛᑎᑦᑎᔪᑦ - ᐊᖑᑏᓪᓗ ᐊᕐᓇᐃᓪᓗ ᐊᓪᓛᒃ ᕿᒻᒥᖏᑦ, ᖁᐊᖅᓵᖅᓯᒪᓚᐅᖅᓯᒪᔪᑦ ᑕᒪᑐᒥᖓ. ᐃᖅᑲᐅᒪᓪᓗᓂ ᐊᔅᓱᕈᓐᓇᖅᑐᒥᓂᐅᔭᕆᐊᖓ ᖁᑦᑎᑦᑐᒦᓕᖅᑐᑎᒃ, ᐃᓚᒌᓪᓗ ᖃᓄᖅ ᐱᔪᓐᓇᕈᓘᔭᓚᐅᖅᓯᒪᓂᖏᓐᓂ ᐅᑭᐅᒃᑯᑦ ᐸᓖᓯᒃᑯᑦ ᕿᒪᐃᑐᐃᓐᓇᖅᓯᒪᒐᓗᐊᖅᑎᓪᓗᒋᑦ ᓂᕿᓂᒃ ᕿᒪᐃᓐᖏᑦᑎᐊᖅᑐᑎᒃ, ᐃᓄᐃᑦ ᐊᓐᓇᐅᒪᒍᓐᓇᕐᓂᐊᖅᑐᕈᓘᒻᒪᑕ ᐅᑭᐅᖅᑕᖅᑐᒥ. ᐅᓂᒃᑳᖃᒃᑲᓐᓂᓕᕆᓪᓗᓂ ᐊᔾᔨᒌᓐᖏᓐᓂᖏᓐᓂᓪᓗ ᐃᓅᓯᖏᓐᓂ ᐅᓂᒃᑳᖅᑐᓂ ᑯᐸᐃ ᑕᕐᕋᖓᓐᓂ ᖃᐅᓱᐃᑦᑐᒥᓗ. ᐅᓂᒃᑳᖅᑐᓂ ᐊᔅᓱᕈᓐᓇᖃᑦᑕᓚᐅᖅᓯᒪᓂᖏᓐᓂ ᓄᓇᓕᓐᓂᑦ 1960-ᖏᓐᓂ; ᐳᕙᓪᓗᓐᓇᐃᑦ, ᐃᒥᐊᓗᒃ ᓂᓐᖓᐅᔾᔨᓂᕐᓗ. ᐅᓂᒃᑳᓕᕆᓪᓗᓂ ᐅᓇᓖᑦ ᐃᒋᑦᑎᖃᑦᑕᕐᓂᒥᓂᖏᓐᓂ ᐃᓄᓐᓄᒃ ᓇᕐᕚᖅᑖᕆᔭᐅᕙᑦᑐᑎᒃ ᐃᓪᓗᓕᐅᕐᓂᐊᖅᑐᑎᒃ, ᓂᕿᔅᓴᓂᓪᓗ, ᐊᓐᓄᕌᓂᓪᓗ ᔮᓐᒧᓪᓕ, ᑕᑯᔪᒪᓗᐊᓐᖑᐊᖅᑕᖏᑦ - ᐅᖃᓕᒫᒐᐃᑦ ᕿᒥᕐᕈᐊᒐᓪᓗ!