ᑐᑦᑕᕐᕕᖓ > ᐅᐊᓐᓇ ᑲᑎᓯᔪᖅ ᐱᖓᓐᓇᕐᒥᑦ > ᐃᓄᐃᑦ ᐃᖅᑲᐅᒪᓂᕆᔭᖏᑦ ᐅᓇᓕᒃᓴᔭᐃᑦ ᐃᖃᓗᖕᓃᓐᓂᕆᓚᐅᖅᑕᖏᓐᓂ > uxoZw5 yMoE=Fq5 - r7uD7us5 vq6LW1us5 w6vsm/q5

Assuituq National Park, near Broughton Island.

On the shore of Ungava Bay south of Killiniq.

uxoZw5 yMoE=Fq5 - r7uD7us5 vq6LW1us5 w6vsm/q5

ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᖅ ᐅᓂᒃᑳᖅ

ᒥᐊᓕᒐᐃᑦ ᓯᓚᓕᕆᕕᖏᑦ - ᑭᒻᒥᕈᒻᒥᐅᑦ ᑲᖏᖅᖢᒑᐱᖕᒥᐅᑦ ᐃᖅᑲᐅᒪᔭᖏᑦ

ᓈᓴᐅᑎᒻᒪᕆᒻᒥ 3-ᒥ, ᐃᓐᓇᐃᑦ ᐃᖅᑲᐅᒪᔭᒥᓂᒃ ᐅᓂᒃᑳᓚᐅᖅᑐᖅ ᒥᐊᓕᒐᑦᑕᖃᖅᑎᓪᓗᒍ ᑭᒻᒥᕈᒻᒥ ᑲᖏᖅᖢᒑᐱᒻᒥᓪᓗ. ᔨᒥ ᓄᓱᑦᑕᖅ ᐅᓂᒃᑳᖅᑐᓂ ᑕᓪᓕᒪᓂᒃ ᐱᖓᓲᔪᖅᑐᓂᓪᓘᓐᓃᑦ ᒥᐊᓕᒐᖅᑕᖃᓚᐅᖅᓯᒪᒻᒪᑦ ᑭᒻᒥᕈᒻᒥ 1940-ᖏᓐᓂ; ᐸᓖᓯᐅᓚᐅᖅᓯᒪᔪᑦ. ᐃᓄᐃᑦ ᑲᑉᐱᐊᒋᔭᖃᓚᐅᓐᖏᑦᑐᑦ ᖃᓪᓗᓈᓂᑦ, ᑕᐃᒪᐃᓕᓚᐅᖅᓯᒪᔪᖅ, ᑐᓐᖓᓱᑦᑎᑕᐅᕙᓐᓂᕐᖓᑕ ᐸᕐᕆᐊᖅᑕᐅᕙᑦᑐᑎᒃ ᐅᒥᐊᕐᔪᐊᒃᑯᑦ ᑎᑭᒐᐃᒻᒪᑕ. ᐃᖅᑲᐅᒪᒻᒥᔪᖅ ᖃᓪᓗᓈᓂᑦ ᐊᓯᖏᓐᓂ (ᐊᔪᕆᖅᓱᐃᔩᑦ, ᒥᐊᓕᒐᐃᑦ, ᐸᓖᓰᑦ ᓂᐅᕕᖅᑎᑯᓪᓗ ᐊᖏᔪᖅᑳᖓ) ᐳᓚᐅᑎᖃᑦᑕᖅᐸᔪᓐᖏᑦᑐᑦ, ᑲᑎᑐᐃᓐᓇᖃᑦᑕᔪᔪᑦ ᑭᓯᐊᓂ ᓇᓪᓕᐅᓂᖅᓯᐅᓕᕋᐃᒻᒪᑕ. ᐲᑕ ᐊᑦᓯᖅᑕᖅ, ᐃᓅᓚᐅᖅᓯᒪᔪᖅ ᑭᒻᒥᕈᑎᐅᑉ ᖃᓂᒋᔭᖓᓂ, ᐅᓂᒃᑳᖃᓚᐅᖅᑐᖅ ᐅᓇᑕᕝᕕᔾᔪᐊᕐᓂᐅᑉ ᒥᔅᓵᓂ, ᐅᐊᑦᑎᖃᑦᑕᖅᑐᒥᓃᓪᓗ ᖃᖓᑕᓲᑦ ᐅᖅᓴᒋᐊᖅᑐᐸᑦᑐᑎᓪᓗ ᖃᖓᑕᔪᐊᓘᓪᓗᑎᒃ. ᐅᓂᒃᑳᕆᓪᓗᓂᓗ ᐃᓚᒌᑦ ᐅᖃᐅᔾᔭᐅᓪᓗᑎᒃ ᑐᖁᑕᐅᒐᔭᕐᖓᑕᒎᖅ ᑲᑉᐱᐊᓱᑦᑐᑎᒃ ᑕᐃᔅᓱᒪᓂ. ᒥᐊᓕᒐᐃᓪᓗ ᐃᓄᓐᓂᒃ ᕿᒻᒥᖏᓐᓂ ᐊᑐᖃᑦᑕᖁᔨᒍᓐᓃᖅᑐᑎᒃ, ᐅᐊᑦᑎᓄᑦ ᐊᑐᖅᑕᐅᒻᒪᑕ, ᐃᓚᖏᑦ ᐊᓯᕙᖅᐸᔪᔪᑦ ᐱᓱᑦᑐᑎᑦ. ᐊᑲᑲ ᓴᑖᖅ ᔨᒥ ᓄᓱᑦᑕᕐᓗ ᐅᓂᒃᑳᖃᖅᑐᑎᒃ ᐱᑕᖃᑐᐃᓐᓇᕆᐊᖃᕐᓂᖓᓐᓂ ᔫᒪᓂᒥᐅᑕᒥ ᐊᓄᓪᓚᓯᖅᑐᖃᖅᑐᓂ ᑭᒻᒥᕈᒻᒥ, ᐱᐅ ᒪᑲᓐᔨᐅᑉ, ᐱᑕᖃᓐᖏᓐᓂᕋᖅᑐᓂᐅᒃ. ᔨᒥ ᓄᓱᑦᑕ ᐅᖃᖅᑐᓂ ᐊᑕᐅᓯᑐᐊᒥᑦ ᐃᓚᒌᓐᓂᒃ ᑭᒻᒥᕈᕐᒥᐅᑕᑕᖃᖅᑐᓂ ᒥᐊᓕᒐᒃᑯᓐᓂ, ᒥᑭᔾᔪᒃᑯᑦ, ᐃᖅᑲᓇᐃᔭᖅᑐᑎᒃ ᒥᐊᓕᒐᕐᓄᑦ. ᐊᓄᒑᖅ ᐊᕐᓇᖅᑯᖅ ᐅᖃᐅᓯᖃᖅᑐᓂ ᒥᑭᔾᔪᑯᓐᓂ, ᐃᓅᓕᖅᑎᑕᐅᓚᐅᖅᓯᒪᒻᒪᑦ ᑕᐃᔅᓱᒧᖓ ᐅᓂᒃᑳᖅᑐᓂ. ᑖᒧᓯ ᓇᒡᓕᓐᓂᖅ ᐃᖅᑲᐅᒪᒻᒥᔪᖅ ᒥᐊᓕᒐᐃᑦ ᖁᕕᐊᓲᑎᖃᓚᐅᖅᓯᒪᔪᑦ ᓵᓚᖃᕐᖓᑕ ᔫᒪᓂᒥᐅᑕᕐᓂᑦ ᐅᓇᑕᖅᑎᓪᓗᒋᑦ. ᐸᓪᓗ ᓇᐅᓪᓚᖅ, ᑖᓐᓇᓕ, ᐅᓂᒃᑳᖃᕐᒥᔪᖅ ᒥᐊᓕᒐᖅᑕᖃᓚᐅᖅᓯᒪᒻᒪᑦ ᑲᖏᖅᖢᒑᐱᒻᒥ, ᐊᐅᓪᓚᕐᒥᓂᖏᓐᓂᓪᓗ ᐅᓂᒃᑳᖅᑐᓂ; ᐃᓪᓗᓕᐅᕆᐊᖅᑐᓚᐅᖅᓯᒪᔪᑦ ᐅᐊᑦᑎᕕᒋᓂᐊᖅᑕᖓᓐᓂ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᓂᖏᓐᓂ. ᐅᓂᒃᑳᖅᑐᓂᓗ ᑕᕐᕆᔭᕆᐅᕐᓂᕐᒥᓂᑦ ᐃᓐᖏᔫᓂᓪᓗ ᓈᓚᒋᐅᕐᓂᒥᓂᖓᓐᓂ ᒥᐊᓕᒐᕐᓄᑦ ᐳᓛᕆᐊᕐᖓᑦ. ᐅᕿ ᑯᓄᒃ ᐅᓂᒃᑳᖃᕆᓪᓗᓂ ᑲᖏᖅᖢᒑᐱᒻᒥᐅᑕᐅᑎᓪᓗᒍ ᒥᐊᓕᒐᐃᑦ ᑕᐃᑲᓃᑦᑎᓪᓗᒋᑦ ᐅᓂᒃᑳᕆᓪᓗᓂᒋᓪᓗ ᐃᓪᓗᓕᐊᒥᓃᑦ ᑕᐃᑲᓂ. ᐊᒥᓲᓗᐊᓚᐅᖅᓯᒪᓐᖏᑦᑐᓂᓪᓗ ᑕᐃᑲᓂ ᐃᖃᓗᑦᑎᑑᓐᖏᑦᑐᖅ. ᐃᖅᑲᐅᒪᒻᒥᔪᖅ ᐃᓄᐃᑦ ᓄᓕᐊᖓᓗ ᐃᖅᑲᓇᐃᔭᓚᐅᖅᓯᒪᒻᒪᑕ ᑕᐃᒃᑯᓄᖓ.