ᑐᑦᑕᕐᕕᖓ > ᐅᐊᓐᓇ ᑲᑎᓯᔪᖅ ᐱᖓᓐᓇᕐᒥᑦ > ᐃᓄᐃᑦ ᐃᖅᑲᐅᒪᓂᕆᔭᖏᑦ ᐅᓇᓕᒃᓴᔭᐃᑦ ᐃᖃᓗᖕᓃᓐᓂᕆᓚᐅᖅᑕᖏᓐᓂ > sNb3i3Jx6 Wc∫ WQxyK6

Whaler Active 1908

sNb3i3Jx6 Wc∫ WQxyK6

ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᖅ ᐅᓂᒃᑳᖅ

ᐅᓇᑕᕐᓂᕐᔪᐊᖅ ᐱᖃᑖ ᐱᒋᐊᓯᕗᖅ

ᓈᓴᐅᑎᒻᒪᕆᒃ 1, ᐃᓐᓇᐃᑦ ᐅᓂᒃᑳᖃᖅᑐᖅ ᐅᓇᑕᕐᓂᕐᔪᐊᒥᓂᕐᒥᑦ, ᑲᑉᐱᐊᓱᖃᑦᑕᕐᓂᒥᓂᖏᓐᓂ ᐃᖃᓗᒻᒥᐅᓂᒃ ᑎᑭᖃᑦᑕᓕᕐᓂᖏᓪᓗ ᖃᖓᑕᓲᑦ ᒥᐊᓕᒐᕐᒥᐅᑕᐃᓪᓗ. ᐃᓄᐃᑦ ᖃᐅᔨᒪᕙᓚᐅᖅᑐᑦ ᐅᓇᑕᕕᔾᔪᐊᖅᑐᐊᓗᓐᓂᒃ; ᓇᐸᑦᓯ ᓄᐊ ᐅᓂᒃᑳᓚᐅᖅᑐᖅ ᑕᐃᔅᓱᒪᓂᓕ ᓈᓚᐅᑎᖃᓚᐅᖅᓯᒪᓐᖏᒻᒪᑕ, ᑭᓯᐊᓂᓕ ᐱᕙᓪᓕᐊᔪᓂᒃ ᓈᓚᖃᑦᑕᕈᓐᓇᓚᐅᖅᓯᒪᔪᑦ ᓂᐅᕕᖅᑎᑯᓐᓂ Ward Inlet-ᒥ, ᓈᓚᐅᑎᒍᓐᓇᓚᐅᖅᓯᒪᔪᑦ ᐊᓄᕆᒧᑦ ᐊᐅᓚᐅᑎᖃᖅᑐᓂᒃ; ᑖᓐᓇᑦᑕᐅ ᐅᖃᐅᓯᕆᓚᐅᖅᓯᒪᔭᖓ ᓴᐃᒨᓂ ᒪᐃᑰᑉ. ᔨᒥ ᓄᓲᑕ ᐅᖃᓚᐅᖅᓯᒪᔪᖅ, ᑲᑉᐱᐊᓱᑦᑐᖃᖅᑑᔮᓚᐅᓐᖏᓪᓚᕆᑦᑐᖅ, ᐅᓇᑕᕕᔾᔪᐊᖅᑐᖃᕋᓗᐊᖅᑎᓪᓗᒍ. ᐊᑯᓂᐅᓐᖏᑦᑐᖅ ᓲ ᐅᖃᖅᑐᓂ ᑲᑉᐱᐊᓱᓚᐅᓐᖏᓐᓂᕐᒥᓂᒃ, ᑭᓯᐊᓂᓕ ᓄᓕᐊᖓ ᐋᓂ ᑲᑉᐱᐊᓱᑦᑐᓂ. ᐅᖃᓚᐅᖅᑐᖅ ᑲᑉᐱᐊᓱᖃᑦᑕᕐᓂᕋᖅᑐᓂᒃ ᖃᖓᑕᓲᕐᓂᑦ. ᐊᑲᑲ ᓴᑖᖅ ᐅᓂᒃᑳᓚᐅᖅᑐᖅ ᑕᑯᔭᕆᐅᕈᑎᒥᓂᖓᓐᓂ ᖃᖓᑕᓲᕐᒥᑦ. ᐃᖅᑲᐅᒪᓐᖏᑦᑐᖅ ᑲᑉᐱᐊᓱᓐᓂᕐᒪᖔᖅ; ᖃᓪᓗᓈᑦ ᐃᑲᔪᖃᑦᑕᕐᓂᕐᖓᑕ ᑖᔅᓱᒥᖓ. ᐃᓄᐊᐱᒃ ᓵᒋᐊᖅᑐᖅ ᐃᖅᑲᐅᒪᓐᖏᑦᑐᖅ ᐅᓂᒃᑳᖅᑐᖃᕐᓂᕆᐊᖓ ᐅᓇᑕᕕᔾᔪᐊᖅᑐᓂᒃ ᒥᐊᓕᒐᐃᑦ ᑎᑭᓚᐅᓐᖏᓐᓂᖏᓐᓂ. ᑭᓯᐊᓂᓕ ᐃᖅᑲᐅᒪᑦᑎᐊᖅᑐᖅ ᑕᑯᔭᕆᐅᕈᑎᒥᓂᕐᒥᓂᒃ ᖃᖓᑕᓲᕐᓂᑦ. ᐃᖅᑲᐅᒪᒻᒥᔪᖅ ᐊᓂᖓ, ᐊᓯᕙᖅᑎᐅᖃᑕᐅᓚᐅᖅᓯᒪᔪᖅ, ᕿᒫᓚᐅᖅᓯᒪᒻᒪᑕ ᑕᓯᕐᒧᑦ ᓂᐱᐅᓗᓐᓂᒃ ᖃᖓᑕᓲᕐᕙᓗᒻᒥ ᑐᓴᕐᖓᑕ, ᑭᓯᐊᓂᓕ, ᒥᓚᐅᖅᓯᒪᔪᖅ ᐃᒪᕐᒧᑦ. ᐊᓄᒑᖅ ᐊᕐᓇᖅᑯᖅ ᐅᓂᒃᑳᖃᖅᑐᓂ ᑎᑭᓐᓂᕆᓚᐅᖅᓯᒪᔭᖏᓐᓂ ᒥᐊᓕᒐᐃᑦ ᐅᖃᖅᑐᓂᓗ ᒪᕐᕉᓐᓄᒃ ᐃᓅᓐᓄᒃ ᐃᓚᒋᔭᐅᓚᐅᕐᖓᑕ, ᐊᐅᓪᓚᕈᔾᔨᔨᐅᓪᓗᑎᒃ. ᒥᐊᓕᒐᐃᑦ ᐃᓪᓗᓕᐅᕐᕕᔅᓴᓕᐅᓚᐅᖅᓯᒪᒻᒪᑕ ᑭᒻᒥᕉᕐ ᖃᓂᒋᔭᖓᓂ, ᑭᓯᐊᓂᓕ ᓄᓇᑦᑎᐊᕙᑦᑕᖃᕐᓂᓚᐅᖅᓯᒪᓐᖏᑦᑐᖅ, ᐃᖃᓗᐃᑦ ᖃᓂᒋᔭᖓᓂ ᐃᓪᓗᓕᐅᑲᐃᓐᓇᓕᓚᐅᖅᓯᒪᔪᑦ 1941-ᖑᑎᓪᓗᒍ. ᒫᑕ ᕿᓚᕝᕙ ᐅᓂᒃᑳᖅᑐᓂ ᓯᐅᑎᐊᐱᒎᖅ, ᑎᒍᐊᖅᑎᖓ ᐊᑖᑕᖃᓚᐅᖅᑐᖅ ᔨᒥᒥᑦ ᓄᓱᑦᑕᒥᑦ, ᐃᑲᔪᓚᐅᖅᓯᒪᒻᒪᑦ ᒥᐊᓕᒐᕐᓂᑦ ᐃᓪᓗᓕᐅᕐᕕᔅᓴᖅᓯᐅᖅᑎᓪᓗᒋᑦ. ᔨᒥ ᓄᓱᑦᑕ ᐅᐱᒋᔭᖃᓚᐅᖅᑐᖅ ᐅᓂᒃᑳᕆᐊᔅᓴᖅ ᓯᕗᓪᓕᖅᐹᒥ ᐊᑖᑕᖓ ᐊᐅᓪᓛᖅᑎᑦᑎᓇᓱᐊᖅᑐᓂ ᐃᓄᓐᓂᒃ ᐃᖃᓗᓐᓄᑦ. ᐃᓕᓴᕆᔭᐅᖃᑦᑕᖁᓯᒪᒐᓗᐊᕐᖓᒍ ᑲᑐᔾᔨᖃᑎᒌᓐᓄᑦ ᐱᒋᐊᖅᑎᑦᑎᓂᖅᐹᖑᓚᐅᖅᓯᒪᓪᓗᓂ ᐊᑖᑕᖓ ᐃᖃᓗᓐᓂ.